ප්‍රාදේශීය ලේකම් කාර්යාලය - ගෝමරන්කඩවල

අපගේ දැක්ම

"ධරණීය සංවර්ධනය සමගින් ජනතාවගේ ජීවන තත්ත්වය ඉහල නංවාලීම”

ගෝමරන්කඩවල ප්‍රාදේශීය මහලේකම් කාර්යාලයේ ඉතිහාසය

ගෝමරන්කඩවල ප්‍රාදේශීය මහලේකම් කාර්යාලය ශ්‍රී ලංකාවේ නැගෙනහිර පළාතේ ත්‍රිකුණාමලය දිස්ත්‍රික්කයේ ප්‍රාදේශීය මහලේකම් කොට්ඨාශ එකොළහෙන් එකකි. ගෝමරන්කඩවල කොට්ඨාශය ග්‍රාම නිලධාරී වසම් 10කින් සමන්විත වේ.

ගෝමරන්කඩවල කොට්ඨාශය දිස්ත්‍රීක්කයේ උතුරු ප්‍රදේශයේ ත්‍රිකුණාමලය නගරයේ සිට කිලෝමීටර 40ක් වයඹ දෙසින් පිහිටා ඇත. මෙම කොට්ඨාශය වර්ග කිලෝමීටර 285ක ප්‍රදේශයක් පුරා පැතිරී ඇති අතර එය මුල් දිස්ත්‍රික්කයේ වර්ග ප්‍රමානයෙන් 15% කි. ත්‍රිකුණාමලය දිස්ත්‍රීක්කයේ භූමී ප්‍රමාණය අනුව දෙවන විශාලතම කොට්ඨාශය යි. ගෝමරන්කඩවල ප්‍රාදේශීය ලේකම් කොට්ඨාශය ග්‍රාමනිලධාරී කොට්ඨාශ 10කින් හා ගම්මාන 50කින් සමන්විත වේ. කොට්ඨාශය සේරුවිල මැතිවරණ බල ප්‍රදේශයට හා ගෝමරන්කඩවල ප්‍රාදේශීය සභා බල ප්‍රදේශයට අයත් වේ.

2017 වර්ශයේ ප්‍රාදේශීය දත්ත අනුව ගෝමරන්කඩවල කොට්ඨාශයේ මුළු ජනගහනය පුද්ගලයින් 8804ක් හා පවුල් 3010කි . කොට්ඨාශයේ කාන්තාවන් 4441ක් හා පිරිමි 4363ක් ජීවත් වෙති. ජනගහනයෙන් බහුතරයක් සිංහල ( පුද්ගලයින්-8773) හා බෞද්ධ (පුද්ගලයින්-8773)වෙි. දෙවන හා එකම සුළු ජන කොට්ඨාශය දෙමළ වන අතර හිංදු භක්තිකයන් 31 ද කොට්ඨාශය තුළ සිටිති.

මෙම කොට්ඨාශය 1984 සිට පරිපාලනය වූයේ ප්‍රාදේශීය ආදායම් කාර්යාලයක් ලෙසිනි. මෙම කොට්ඨාශය ප්‍රාදේශීය ලේකම් කාර්යාලයක් ලෙස 1970 දී ද උප දිසාපති කොට්ඨාශයක් ලෙස නම් කල අතර 1991 දී එය ප්‍රාදේශීය ලේකම් කොට්ඨාශයක් ලෙස නම් කෙරුණි. 1964 සිට අද දක්වා කොට්ඨාශයේ පාලනය ප්‍රධානීන් 16ක් යටතේ පාලනය විය.

1964 සිට ‌‌මේ දක්වා ආයතන ප්‍රධානීන්...